ភ្នំពេញ ៖ ក្រុមចោរ១ក្រុមបានធ្វើសកម្មភាពចូលគាស់ផ្ទះមន្ត្រីប៉ូលិសកងអន្តរគមន៍ លួចយកម៉ូតូ២គ្រឿង កាលពីវេលាម៉ោង២រំលងអាធ្រាត្រឈាន ចូលថ្ងៃទី២៤ខែធ្នូឆ្នាំ២០១៧ នៅចំណុចផ្ទះលេខ៩៧អា ផ្លូវលេខ៨៦ ស្ថិតក្នុងសង្កាត់ស្រះចក ខណ្ឌដូនពេញ។

ប្រភពព័ត៌មានពីកន្លែងកើតហេតុបានអោយដឹងថា កាលពីវេលាកើតហេតុមានក្រុមចោរ មួយក្រុមមានគ្នាប្រមាណ៣ទៅ៤នាក់បានធ្វើសកម្មភាពគាស់ទ្វារផ្ទះ​កំទេចចោលរបស់មន្ត្រីប៉ូលិសអន្តរាគមន៍ពិសេសនៃស្នងការដ្ឋាននគរបាលរាជធានីភ្នំពេញម្នាក់ឈ្មោះ ហេង ប៊ុនម៉េង លួចយកម៉ូតូចំនួន២គ្រឿងម៉ាកស្កូបពី១គ្រឿង ពណ៌ស ពាក់ស្លាកលេខ កំពង់ចាម 1N-5686 និងម៉ាកហុងដាឌ្រីម១គ្រឿង ពណ៌ខ្មៅ ពាក់ស្លាកលេខ ព្រះសីហនុ 1A-0201 ដោយសុវត្តិភាពមិនរំខានសមត្ថកិច្ចក្នុងមូលដ្ឋានឡើយ។
មួយរយៈពេលចុងក្រោយនេះ នៅក្នុងរាជ

ធានីភ្នំពេញហាក់កក្រើកឡើងវិញនូវករណី ចោរគាស់ផ្ទះ ចោរឆក់ ចោរប្លន់បាញ់សម្លាប់មនុស្សឆៅៗធ្វើអោយមហាជន មានការភ័យខ្លាចយ៉ាងខ្លាំង ដូចជាករណីខាងលើនេះក្រុមចោរហ៊ានចូលគាស់ផ្ទះ មន្ត្រីប៉ូលិសអន្តរាគមន៍ពិសេសដោយគ្មានការភ័យខ្លាច។ សូម្បីផ្ទះមន្ត្រីប៉ូលិសខ្លួនឯងការពារមិនបានផង ចុះទំរាំផ្ទះប្រជាពលរដ្ឋ តើអោយប្រជាពលរដ្ឋមានទំនុកចិត្តបែបណា ឯណាទៅភូមិឃុំមានសុវត្តិភាព?។

ប្រជាពលរដ្ឋបានហួសចិត្តនៅពេលដែលដឹងដំណឹងថាសូម្បីផ្ទះលោកប៉ូលិសអន្តរាគមន៍ពិសេសនៃស្នងការនគរបាលរាជធានីភ្នំពេញដែលចូលចិត្តស្លៀកពាក់ឯកសណ្ឋានថតរូបបង្អួតកាំភ្លើងបង្ហោះក្នុងហ្វេសប៊ុក នូវក្រុមចោរហ៊ានគាស់ផ្ទះចូលលួចចុះ ទំរាំផ្ទះប្រជាពលរដ្ឋគួររំពឹងអ្វី? ទស្សនាវីដេអូខាងក្រោម៖