លោក ជេ អរ ពិធីករវិទ្យុល្បីឈ្មោះ នឹងជាតារាសម្ដែង តារាចម្រៀង បានចេញបទចម្រៀង Original ទី២ របស់ខ្លួននៅក្នុុង ក្រុម Ksmart Original ដែលមានចំណងជើងថា (នីតា)ដែលជាប្រភេទបទញាក់កន្រ្តាក់អារម្មណ៍ លោក ជេ អរ បានបញ្ជាក់ថាសម្រាប់បទ(នីតា) ជាប្រភេទបទញាក់អាចរាំលេងបាន លាយឡំជាមួយរ៉េប ច្រៀងដៃគូរជាមួយលោក ឌីណា ហើយបើនិយាយពីអត្ថន័យវិញ បទនេះគឺផ្ដោតសំខាន់ទៅលើនារីម្នាក់ ដែលស្អាត ខ្ពស់ ច្រមុះស្រួច រាងស្រឡូន មុខដូចកូនកាត់ ដើមទ្រូវធំ ដែលនាងមានឈ្មោះថា(នីតា) ដែលធ្វើអោយលោកជាប់ចិត្តស្រលាញ់រហូតបង្កើតបានជាបទចម្រៀង ជេ អរ បន្ថែមថា (ខ្ញុំសង្ឃឹមថាបទនេះនឹងធ្វើអោយប្រជាប្រិយភាពរបស់ខ្ញុំកើនឡើងមួយកំរិតទៀត ណាមួយវាជាបទ ដែលមិនចម្លងពីបរទេសដូចច្នេះសង្ឃឹមថាមិត្តយុវវ័យនឹងគាំទ្រច្រើន )

តោះមកស្តាប់ចំរៀង Full ទាំងអស់គ្នា