ទំនាក់ទំនងរវាង ឌី សូនីតា និងអេឡិច ហ្សូរ៉ា អ្នកទាំងពីចង់ឲ្យមហាជន តាមដានមើលដោយខ្លួនឯង ក្រោយពីបានបង្ហាញចម្រៀងរៀបរាប់ពីស្នេហានៅអូស្រ្តាលី

ពត៌មាន តារាអន្តរជាតិ

ពត៌មាន តារាអន្តរជាតិ ពត៌មាន តារាអន្តរជាតិ ទំនាក់ទំនងរវាង ឌី សូនីតា និងអេឡិច ហ្សូរ៉ា អ្នកទាំងពីចង់ឲ្យមហាជន តាមដានមើលដោយខ្លួនឯង ក្រោយពីបានបង្ហាញចម្រៀងរៀបរាប់ពីស្នេហានៅអូស្រ្តាលី

ទំនាក់ទំនងរវាង ឌី សូនីតា និងអេឡិច ហ្សូរ៉ា អ្នកទាំងពីចង់ឲ្យមហាជន តាមដានមើលដោយខ្លួនឯង ក្រោយពីបានបង្ហាញចម្រៀងរៀបរាប់ពីស្នេហានៅអូស្រ្តាលី

17-Dec-24 | 12:20:59 pm

ភ្នំពេញ៖ កន្លងមកមហាជនធ្លាប់មានមន្ទិលពីរឿងរ៉ាវស្នេហា របស់តារាសម្តែងដ៏ល្បីឈ្មោះមួយគូរ គឺលោក អេឡិច ហ្សូរ៉ា និងតារាស្រី កញ្ញា ឌី សូនីតាផង ស្រាប់តែពេលនេះពួកគេបានដឹកដៃគ្នា និពន្ធបទចម្រៀងមួយបទដែលរំលេចពីអត្ថន័យទំនាក់ទំនងស្នេហា ដូចទៅនឹងអ្វីដែលមហាជនកំពុងមានមន្ទិលលើអ្នកទាំងពីរ ។ ពាក់ព័ន្ធនឹងរឿងនេះ អ្នកទាំងពីរមិនចង់ចេញមុខបកស្រាយ អ្វីពីទំនាក់ទំនងស្នេហានៅឡើយនោះទេ ដោយគ្រាន់តែបញ្ជាក់ថា ចង់ឲ្យទស្សនិកជន តាមដានមើលដោយខ្លួនឯង ។
តាមរយៈអត្ថន័យ និងការវិការសម្តែង ក្នុងបទចម្រៀង Original Song របស់តារាសម្ដែងមួយគូរនេះ ក្នុងបទមួយដែលមានចំណងជើងថា «ផ្ដើមស្នេហ៍នៅស៊ីដនី» បានធ្វើឲ្យមហាជនមានមន្ទិលទៅលើទំនាក់ទំនងអ្នកទាំងពីរ ដែលអាចឈានដល់ការបង្កាត់ភ្លើងស្នេហាជាមួយគ្នានៅក្រៅឆាក ។
មហាជនមានការសង្ស័យបែបនេះដោយសារតែអ្នកទាំងពីរមានភាពស្និទ្ធស្នាល ផ្អែមល្ហែមជាមួយគ្នាខ្លាំង ដែលក្នុងឈុតសម្តែងមានកាយវិការស្និទ្ធិស្នាលអោបរឹត អោបថើប និងថ្នាក់ថ្នមគ្នា ប្រៀបដូចគូស្នេហ៍ដែលបានដក់ជាប់នូវទឹកចិត្តស្រលាញ់យ៉ាងជ្រាលជ្រៅ ។ ប៉ុន្តែទោះបីជាយ៉ាងណាអ្នកទាំងពីរ តែងអះអាងថា ទំនាក់ទំនងអ្នកទាំងពីរត្រឹមតែជាបងប្អូន (Bro& Sis) តែប៉ុណ្ណោះ ។
ជំវិញការបង្ហាញភាពល្អែមល្ហែម ក្នុងបទចម្រៀង កញ្ញា ឌី សូនីតា មិនបានប្រកាសថា នេះពិតជាកញ្ចក់ឆ្លុះបញ្ចាំងពីស្នេហារបស់ខ្លួន ឬយ៉ាងណានោះទេ ដោយនាងគ្រាន់តែអះអាងថា អ្វីដែលបានតាក់តែងនៅក្នុងបទចម្រៀងនេះ គឺចង់រំលឹកពីប្រវត្តិនៃទំនាក់ទំនងរបស់នាង និងលោក អេឡិច ហ្សូរ៉ា ដែលកាលពីមុនគ្រាន់តែរាប់គ្នាជាមិត្តយ៉ាងធម្មតា ។
តារាស្រីរូបនេះ បានឲ្យដឹងទៀតថា រូបនាង និងលោក ហ្សូរ៉ាស្នើឲ្យមហាជនតាមដានពីទំនាក់ទំនងរបស់នាង និងដៃគូ ដោយនាងមិនទាន់ប្រកាស១០០ភាគរយថាដូចនឹងអត្ថន័យក្នុងបទចម្រៀងនោះទេ ប៉ុន្តែនាងបញ្ជាក់ថា អ្វីៗនឹងអាចលើសពីអ្វីដែលបានបង្ហាញនោះផង៕

សូមទស្សនាវីឌីអូ ៖