ទឹកធ្លាក់វាលពួច គឺជាផ្នែកមួយនៃឧទ្យាន​ជាតិ​ព្រះមុនីវង្ស​បូកគោ ស្ថិតក្នុងស្រុកទឹកឈូ ខេត្តកំពត។ ដើម្បីឡើងទៅកាន់ទីស្ថានធម្មជាតិនេះ យើងត្រូវធ្វើដំណើរចេញពីទីរួមខេត្តកំពត ប្រមាណ ៨គីឡូម៉ែត្រ តាមផ្លូវជាតិលេខ៣ ឆ្ពោះទៅកាន់វត្តវាលពួច ដែលស្ថិតនៅក្បែរជើងភ្នំបូកគោ។

ផ្នែកមួយនៃទឹកធ្លាក់វាលពួច

ធ្វើដំណើរដោយថ្មើជើង ចេញពីវត្តវាលពួច កាត់ព្រៃប្រមាណ ៣០នាទី ​អ្នកទេសចរ​នឹង​ប្រទះ​ទឹកធ្លាក់មួយកន្លែង ដែលស្ថិតនៅខាងស្ដាំដៃ រំលេចដោយទឹកពណ៌ថ្លាខៀវ គួរជាទីគាប់ភ្នែក។ សម្រស់ទឹកនៅដំណាក់នេះ បានអង្រួនអារម្មណ៍អ្នកទេសចរគ្រប់គ្នា ឲ្យចុះងូតលេងកម្សាន្ត​យ៉ាងសប្បាយរីករាយ ជាមួយទឹកដ៏ត្រជាក់ ដែលមានប្រភពចេញពីកំពូលភ្នំបូកគោ។

ជ្រលងវាលពួច ប្រជុំទៅដោយទឹកធ្លាក់ជាច្រើនដំណាក់ទៀត ដែលមានភាពពិសេស​ប្លែកៗពីគ្នា។ បើចង់ដឹងថា ដើរទៅមុខទៀត អ្នក​ទេសចរ​នឹងជួបអ្វីខ្លះ សូមទស្សនាវីដេអូ "ផ្លូវទៅស្រុក វគ្គ៣" ដូចខាងក្រោមនេះ៖