យើងសង្កេតឃើញថានារីៗប្រទេសថៃមានស្បែកភ្លឺថ្លា ម៉ត់រលោង ថែមទាំងមានសក់ទន់រលោងគួរអោយទាក់ទាញ។ តើមានអ្វីពិសេសនៅពីក្រោយសក់ដ៏ទន់រលោង និងស្បែកដ៏ក្មេងខ្ចីនោះ? វាប្រាកដជាមានអ្វីពិសេសហើយ គឺពួកគេបានប្រតិបត្តិមកតៗគ្នាគ្រប់ជំនាន់តែម្តង។ សូម្បីតែការថែរក្សាសុខភាពក្នុងការរស់នៅរបស់ពួកគេក៏ក្លាយជាប្រពៃណីផងដែរ។ ម្យ៉ាងវិញទៀត ដូចអ្នកទាំងអស់គ្នាបានដឹងដូច្នេះដែរ នៅប្រទេសថៃពួកគេនិយមបរិភោគបន្លែផ្លែឈើ និងអាហារដែលមានជាតិហឹរយ៉ាងពេញទំហឹង ដោយនៅក្នុងនោះវាជាអាថ៌កំបាំងដ៏សំខាន់ប្រើប្រាស់មកជាច្រើនជំនាន់ពីរបៀបនៃការថែរក្សាសម្រស់របស់ពួកគេ។ ថ្ងៃនេះពួកយើងនឹងធ្វើការចែករំលែកនូវអាថ៌កំបាំង ៥ចំណុចដែលជួយថែរក្សាស្បែក និងការថែទាំសក់អោយទន់រលោង។

រូបតំណាង

រូបតំណាង

១.រមៀត

រមៀតគឺគ្រឿងផ្សំយ៉ាងសំខាន់នៃគន្លឹះថែរក្សាស្បែករបស់ប្រទេសថៃដែលតែងតែប្រើមកជាយូរលង់មកហើយ។  រមៀតប្រើប្រាស់សម្រាប់សម្អាតផ្ទៃមុខអោយបានស្អាតល្អ។ អ្នកត្រូវលាយទឹកជាមួយម្សៅរមៀតរួចកូរឲ្យខាប់ហើយស្អិតចូលគ្នា។  លាបវាទៅលើផ្ទៃមុខឲ្យសព្វរួចទុក ៥នាទីទើបធ្វើការលាងសម្អាតចេញ។ ការធ្វើបែបនេះវានឹងធ្វើឲ្យស្បែកអ្នកមានពន្លឺថែមទាំងធ្វើឲ្យស្បែកមើលទាំងស្រស់ថ្លាពេញមួយថ្ងៃទៀតផង។ ការធ្វើបែបនេះអាចព្យាបាលស្បែកដែលរលាក ឬរលាកនឹងស្បែកដែលមានបញ្ហាបានថែមទៀត។ 

ខ្ញី

២.ផ្លែល្ហុង

ផ្លែល្ហុងគឺជាគ្រឿងផ្សំដ៏សំខាន់ដូចគ្នាដែរ វាធ្វើឲ្យស្បែកមានភាពភ្លឺរលោងយ៉ាងស្រស់ស្អាត។ អ្វីដែលអ្នកត្រូវមាននោះគឺ ផ្លែល្ហុងទុំ ដួស ២ស្លាបព្រាបាយកិនឬពៀតវាឲ្យម៉ត់ស្អិតចូលគ្នា។  រួចអ្នកអាចបិទវាលើផ្ទៃមុខបានទុកចោល ១០ ទៅ១៥នាទី រួចធ្វើការលាងសម្អាតមុខជាមួយទឹកត្រជាក់ជាការស្រេច។ 

ផ្លែល្ហុង

៣. អំពិល

គុណសម្បត្តិរបស់អំពិលគឺជួយឲ្យស្បែកភ្លឺ។ ជាទូទៅអំពិលប្រើសម្រាប់ដុសខាត់ស្បែក។ ត្រាំអំពិលជាមួយទឹកអោយសើម ដើម្បីងាយស្រួលកិនវាឲ្យម៉ត់ រួចអ្នកអាចយកអំពិលដែលកិនម៉ត់នោះទៅលាបលើស្បែកមុខ និងខ្លួនជាការស្រេច ឬមួយអ្នកអាចលាយអំពិលជាមួយនឹងទឹកដោះគោជូរ (yogurt) ហើយលាយលើស្បែកជាការស្រេច។  

អំពិល

អំពិលម៉ត់

៤.ប្រេងដូង

ប្រេងដូងនេះជាគ្រឿផ្សំដែលល្បីល្បាញជាងគេដែលស្រ្តីនៅប្រទេសថៃនិយមប្រើប្រាស់ដើម្បីថែរក្សាស្បែក។ អ្នកអាចលាយប្រេងដូងជាមួយអាហារដែលអ្នកបរិភោគបានដូចគ្នា។ អ្នកគ្រាន់តែយកប្រេងដូងធ្វើការលាបទៅលើស្បែករបស់អ្នក និងក្រោមភ្នែកអ្នកមុនអ្នកងូតទឹកជាការស្រេច។ ប្រេងដូងនេះដែលធ្វើអោយស្បែកអ្នកទន់ និងមានសំណើមបានពេញមួយថ្ងៃ។

ប្រេងដូង

៥.ទឹកផ្លែឈើ

ពួកយើងក៏ដឹងដែរថាផឹកទឹកផ្លែឈើវាជួយថែរក្សាសុខភាព និងសុខភាពស្បែកបានយ៉ាងល្អ។  អ្នកអាចបរិភោគផ្លែឈើ ឬទឹកផ្លែឈើឲ្យបានច្រើនប្រភេទជាពិសេសសម្រាប់អ្នកដែលធ្វើការតមចំណីអាហារ គឺអ្នកដូចកំពុងតែបង្កើតជាតិវីតាមីន និងជាតិរ៉ែទៅក្នុងខ្លួនអ្នក ហើយវានិងធ្វើឲ្យស្បែកអ្នកភ្លឺថ្លាចេញពីខាងក្នុងតែងម្តង។

​ទឹកផ្លែឈើ

តើអ្នកនូវរង់ចាំអីទៀត? អាចសាកល្បងធ្វើបានតាមរយៈរូបមន្តថៃដែលពេញនិយមគ្រប់ជំនាន់នេះបាន៕