ដើមត្បាល់កិនព្យាបាល របួស, សន្លាក់ឆ្អឹង និងជាថ្នាំកែរោគសួត!!

ត្បាល់កិន(ABUTILON INDICUM MALVACEAV)
ផ្នែកដែលប្រើប្រាស់៖ ស្លឹក,ឬស,សំបក,ផ្លែ

ការប្រើប្រាស់ជាឱសថ៖ ដើមត្បាល់កិនព្យាបាល របួសនឹងសន្លាក់ឆ្អឹង។ គេយកអង្ករដំណើបបុកលាយស្លឹកត្បាល់កិនដែលមានជាតិស្អិតអន្ធិលសម្រាប់ធ្វើជាថ្នាំបិតបំបោក។ គ្រាប់វាមានលក្ខណៈបន្ទន់លាមកនិងជំនួយកម្លាំងភេទ តាមពួកជនជាតិចិននៅកម្ពុជា។ ស្លឹកប្រើជាថ្នាំបំបាត់រោលក្រហាយក្នុងបំពង់ក ធ្វើឱ្យនោមច្រើន ជាថ្នាំកែរោគសួត និងស្ងប់អារម្មណ៍។

គ្រាប់កាត់ស្លេសបំបាត់ភាពរោលក្រហាយខាងក្នុងដាំផឹកព្យបាលឫសដូងបាត។ ស្លឹកឫសឆុងផឹកព្យាបាលគ្រុនក្តៅរោគសួតប្រមេះទឹកបាយរលាកបង្ហូរនោមរលាកផ្លោកនោមរលាកផ្លោកនោមរ៉ាំរ៉ៃ។

ស្លឹកដាំរម្ងាស់ បៀប លាងមាត់បំបាត់ឈឺធ្មេញ និងផឹកព្យាបាលផ្លោកនោម។ ផ្កា និងស្លឹក ប្រើលាបផ្ទាល់លើបូសនិងដំបៅតាមការស្រាវជ្រាវថ្មីៗនេះដើមត្បាល់កិនមានប្រសិទ្ធភាពបំបាត់ការឈឺចុកចាប់យ៉ាងសំខាន់។

ដើមត្បាល់កិនជាចុល្លព្រឹកមានកំពស់ ០.៨-១.៥  ម៉ែត្រ។ ស្លឹកធ្មេញរណាខាងចុងរាងខ្ចីស្រួចខាងគល់រាងបេះដូង។កញ្ចុំផ្កាពណ៌លឿង។

++ឯកសារយោង៖ រុក្ខជាតិឱសថកម្ពុជា
** សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែលអ្នកមិនមានជម្រើសផ្សេង។
ដកស្រង់ចេញពី អត្ថបទសម្រួល៖ លោកគ្រូ អ៊ាន សុផល្លែត