ខេត្តឧត្តរមានជ័យ ៖ មានករណីគ្រោះថ្នាក់ចរាចរណ៍មួយកើតឡើងរវាងម៉ូតូធូដេ និងម៉ូតូវ៉េវ ដែលជិះក្នុងទិសដៅបញ្ច្រាសគ្នា និងបើកបរក្នុងល្បឿនលឿន បណ្ដាលអោយមនុស្សរបួសធ្ងន់ ៤ នាក់ និងស្រាល ២ នាក់ កាលពីវេលាម៉ោង ៤ និង ៤២នាទី ទៀបភ្លឺថ្ងៃទី០៩ ខែមករា ឆ្នាំ២០១៨ នេះ ស្ថិតក្នុងភូមិឈើក្រម សង្កាត់កូនក្រៀល ក្រុងសំរោង ខេត្តឧត្ដរមានជ័យ ។

អ្នកបើកបរម៉ូតូម៉ាកធូដេ ឈ្មោះ ដាំ រតនៈ ភេទប្រុស អាយុ ១៥ឆ្នាំ មុខរបរ សិស្ស (របួសធ្ងន់) មិនពាក់មួកសុវត្ថិភាព មានអ្នករួមដំណើរឈ្មោះ ដាំ វិច្ឆិកា ភេទប្រុស អាយុ ៩ឆ្នាំ មុខរបរ សិស្ស (របួសធ្ងន់) មិនពាក់មួកសុវត្ថិភាព អ្នកទាំងពីរនៅភូមិបុស្ស សង្កាត់កូនក្រៀល ក្រុងសំរោង ក្រុងសំរោង ខេត្តឧត្តរមានជ័យ ។

ចំណែកភាគីអ្នកបើកម៉ូតូវ៉េវ ឈ្មោះ ឈុំ ឆុម ភេទប្រុស អាយុ ៥៤ឆ្នាំ ភូមិឈូក សង្កាត់សំរោង ក្រុងសំរោង ខេត្តឧត្តរមានជ័យ (របួសធ្ងន់) មិនពាក់មួកសុវត្ថិភាព និងអ្នករួមដំណើរឈ្មោះ ម៉ុត មួន ភេទប្រុស អាយុ ២២ឆ្នាំ (របួសធ្ងន់) មិនពាក់មួកសុវត្ថិភាព, ឈ្មោះ ឡូ លៀម ភេទប្រុស អាយុ ២២ឆ្នាំ (របួសស្រាល) មិនពាក់មួកសុវត្ថិភាព អ្នកទាំង ៣នាក់ នៅភូមិឈើក្រម សង្កាត់កូនក្រៀល ក្រុងសំរោង ខេត្តឧត្តរមានជ័យ និងឈ្មោះ ក្តី ភេទប្រុស អាយុ ២៥ឆ្នាំ នៅស្រុកបន្ទាយ​ឆ្មារ ខេត្តបន្ទាយមានជ័យ (របួសស្រាល) មិនពាក់មួកសុវត្ថិភាព អ្នកទាំង ៤នាក់ មុខរបរ កម្មករ ៕

ប្រភព : tvfb