រាជធានីភ្នំពេញ ៖ នៅវេលាម៉ោង ១០ និង ៤០នាទី ព្រឹកថ្ងៃទី១១ ខែមករា ឆ្នាំ២០១៨ នេះ កម្លាំងចម្រុះខណ្ខមានជ័យ បានចុះចាប់ទូហ្គេមបាញ់ត្រីខុសច្បាប់ ១កន្លែង ស្ថិតក្នុងភូមិដំណាក់ធំ៥ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។

ប្រតិបត្តិការចុះចាប់ទូហ្គេមបាញ់ខុសច្បាប់នេះ ដឹកនាំកម្លាំងដោយ លោក ឯម ភារី នាយប៉ុស្តិ៍នគរបាលរដ្ឋបាលស្ទឹងមានជ័យ៣ លោកចៅសង្កាត់ និងកម្លាំងប្រជាការពារ ផងដែរ ។

បើយោងតាមសម្តីសន្តិសុខប្រជាការពារម្នាក់ដោយមិនបញ្ចេញឈ្មោះ បានប្រាប់ភ្នាក់ងារព័ត៌មាន TVFB អោយដឹងថា មុននឹងចុះបង្ក្រាបទីតាំងហ្គេមបាញ់ត្រីខុសច្បាប់ ១កន្លែង ខាងលើនេះ គឺមានការសហការពីបងប្អូនប្រជាពលរដ្ឋ បានរាយការណ៍មកសមត្ថកិច្ចមូលដ្ឋាន ទើបឈានទៅដល់ការចុះបង្ក្រាបបែបនេះ តែម្តង ៕

ប្រភព ៖ tvfb